ROFUS tassaavoq aningaasanoortartunut nammineq kajumissutsiminnik mattunneqartunut Spillemyndigheden-ip nalunaarsuiffia
ROFUS qanoq atorneqartarpa?
ROFUS-imi nalunaarsorsimaguit, internet-ikkut aningaasanoortarnermit, ornigulluni aningaasanoortarfinnit tamaginnit aamma Danmarkimi pisiniarfinni ornigulluni eqquiniaasarfinnit mattunneqarsimassaatit.
Qanoq sivisutigisumik mattusimaneqarnissaq nammineerlutit toqqassavat.
100%-imik isertuussaavoq
Piffissami matusimaneqarferni aningaasanoorniarsarisimanngikkuit, imaluunniit akuersissummik pigisaqartoq piffissami mattusimaneqarferni nittarsaassinernik ilinnut toqqaannartumik nassiussiniarsarisimanngippat, Spillemyndigheden nalunaarsortinnerit pillugu allanut paasissutissanik ingerlatitseqqiisanngilaq.
Aningaasanoorutit sorliit ilaatinneqarpat?
Immeraammut akiliuteqarluni internet-ikkut aningaasanoorutit Spillemyndigheden-imit akuersissuteqarfigineqarlutik aningaasanoorutinik neqerooruteqartartut kiisalu Danmarkimi pisiniarfinni ornigulluni aningaasanoortarfiit aamma ornigulluni eqquiniaasarfiit tamarmik. Internet-ikkut aningaasanoorutinik neqerooruteqartartut allattorsimaffiat takuuk Ornigulluni aningaasanoortarfiit allattorsimaffiat takuuk
Internet-ikkut aningaasanoorutinik neqerooruteqartartut allattorsimaffiat takuuk
Taavami peqqissimilissaguma?
Nalunaarsorsimanerpit peerneqarsinnaanginnera ROFUS-ip nukittoqutigaa – aamma peqqissimileraluaruilluunniit.
Eqqumaffigissavat Spillemyndigheden ROFUS-imi teknikkikkut kukkuneqarsinnaanera sillimaffigimmagu, taamaalillunilu tamatumunnga akisussaatinneqarsinnaanani
ROFUS pillugu ilisimasariallit
ROFUS-IMI nalunaarsuineq MitID atorlugu pisarpoq
MitID-mik peqanngikkuit immersugassaq nr. immersorlugu nassiullugulu ROFUS-imi nalunaarsortissinnaavutit 9-01 (PDF immikkut nutaami ammassaaq) attaveqarnissamut Spillemyndigheden-imut immersugassaq atorlugu uuga:
SpillemyndighedenEnglandsgade 25, 6. sal5000 Odense C
ROFUS-imut sianerit imaluunniit allagit
Spillemyndigheden-imut attaveqarnissamut immersugassaq atorlugu ROFUS-imut allagit imaluunniit 72 38 60 20 (taamaallaat qallunaatut)
nOqarasuaatikkut ammasarfiit
Ataasinngorneq - pingasunngorneq 9:00-15:00 Tallimanngorneq 9:00-14:00
ROFUS-imi nalunaarsortinninnut kikkut isersinnaappat?
ROFUS-imi nalunaarsorsimaguit, nalunaarsortinnerit isertuussaavoq. Spillemyndigheden illit nalunaarsorsimanerit pillugu paasissutissanik allanut ingerlatitseqqiisanngilaq.
Taamaattoq aningaasanoortarfiit, aningaasanoornermut ingerlatseqatigiiffiit pisiniarfiillu illit nalunaarsorsimanerit pillugu paasissutissanik pissarsisinnaapput makkuninnga pisoqartillugu:
- Aningaasanoornermut kontornut iserniarsariguit imaluunniit aningaasanoornermut kontumik nutaamik pilersitsiniarsaralutit, ROFUS-imi nalunaarsorsimanersutit aningaasanoornermut ingerlatseqatigiiffiup takussavaa.
- Ornigulluni aningaasanoortarfimmut iserniarsariguit, ROFUS-imi nalunaarsorsimanersutit aningaasanoortarfiup takussavaa.
- Danmarkimi pisiniarfinni ornigulluni eqquiniaanernik pisiniarsaguit, ulloq 1. oktober 2023 tamatumaluunniit kingorna nalunaarsortissimaguit, tuniniaasartup ROFUS-imi nalunaarsorsimanersutit takusinnaassavaa.
- ROFUS-imi nalunaarsoruit peqatigisaanik ”Aningaasanoornernut ussassaarutinut qujaannarnermut” ilanngutissaatit, aammalu ussassaarutinik nassiussinnginnermini aningaasanoornermut ingerlatseqatigiiffiup nalunaarsortinnerit takusinnaallugu.
Pisuni taakkunani taamaallaat aningaasanoornermut ingerlatseqatigiiffiit, pisiniarfiit aamma/imaluunniit aningaasanoortarfiit nalunaarsortinnerit takunissaanut periarfissaqassapput.
